O XXXIII CONGRESO ANUAL INTERNACIONAL DE XERONTOLOXÍA E XERIATRÍA, organizado pola Sociedade Galega de Xerontoloxía e Xeriatría terá lugar os días 9 e 10 de xuño en Vigo, baixo o lema ‘SOIDADE E AILLAMENTO SOCIAL. Novos retos e recursos’.
O Ceesg terá parte activa no mesmo, impartindo o Obradoiro 3: ‘Soidade activa nas persoas maiores. Novo reto da Educación Social’
Trátase dun achegamento á teoría sobre a idea da soidade enmarcada nos contextos da Educación Social e a construción entre as asistentes e as relatoras un marco reflexivo dentro dos efectos da soidade non desexada, no que aportar solucións profesionais e comunitarias, experimentando tanto, dende a perspectiva profesional coma da comunitaria.

Data: 10 de xuño do 2023
Hora: De 15:45 a 17:15
Lugar: Sala Dr. Fernando Veiga, Museo Verbum, Vigo

Presenta
Rosa Mínguez Moreira
Educadora Social. Vocal Social da SGXX

Relatoras
Lucía Chaves García. Educadora Social e Psicopedagoga. CEESG.
Florinda Vaamonde Romero. Educadora e Animadora Social. CEESG.

Programa completo e inscricións do congreso en https://congreso.sgxx.org/

Estas son as ofertas de emprego máis recentes publicadas na web do Ceesg:

• Persoal socioeducativo
• Téc. social
• Operador/a teleasistencia
• Educador/a social
• Téc. De calidade
• Téc. De igualdade
• Téc. Medio orientación laboral
• Educador/a social
• Operador/a teleasistencia
• Educador/a social

Se estás á procura de emprego, recorda visitar regularmente a nosa web para estar ao tanto de todas as novidades.

A semana do 15 ao 19 de maio, o Ceesg modifica o seu horario de atención, por mor dos días festivos e vacacións do persoal.

Este serán os horarios de atención durante eses días:

• Luns 15 de maio: Horario normal (9:00-14:00 e 16:00-18:00 h.)
• Martes 16 de maio: De 9:00 a 14:00 h.
• Mércores 17 de maio: PECHADO (festivo autonómico)
• Xoves 18 de maio: PECHADO (festivo local)
• Venres 19 de maio: PECHADO

Lamentamos as molestias.

Buscamos educador/a social que traballe con persoas con discapacidade auditiva e que queira colaborar cunha alumna que está realizando un TFG que ten como tema principal o perfil profesional da Educación Social neste eido, para coñecer as funcions e competencias dos e das educadores/as sociais na intervención con persoas con discapacidade auditiva e ofrecer unha visión conxunta do sentido, a importancia e a necesidade do perfil profesional. A colaboración consiste nunha entrevista online de non máis dunha hora para tratar cuestións como as súas funcións, competencias, contextos, procesos, intervencións, etc.

Se cumpres o perfil e podes contribuír á investigación académica sobre a profesión, de paso que axudas a esta futura educadora social, podes contactar con ela a través do correo-e Mar.Nino@alu.uclm.es.

O Consejo General de Colegios de Educación Social e o Ceesg, xunto con colexios doutros territorios, iniciamos o reto de facer unha revisión e posible actualización do Código Deontolóxico da nosa profesión.

Se tes interese en ter máis información, ou enviarnos achegas e propostas, ponte en contacto connosco a través de etica@ceesg.gal.
De momento convidámoste a que dediques uns minutos disfutar dos vídeos sobre os principios do noso Código Deontolóxico.
Proximamente iremos compartindo outros vídeos

Vídeo do principio deontolóxico 1: “Respecto aos Dereitos Humanos”

Vídeo do principio deontolóxico 2: “Respecto aos suxeitos da acción socioeducativa”

Vídeo do principio deontolóxico 3: “Xustiza Social”

A ética é un elemento central no exercicio profesional da Educación Social, pois esta profesión ten unha importante carga de valores. As e os profesionais debemos ter unha visión crítica co noso entorno e co noso propio traballo e asumir a reflexión ética como unha constante.
A orientación deontolóxica no exercicio da profesión proporciónanola o Código Deontolóxico da Educadora e o Educador Social, como marco mínimo de referencia.
As xornadas consistirán nunha ponencia do Dr. Jesús Vilar Martín, diplomado en maxisterio e doutor en pedagoxía pola Universidade de Barcelona.
Seguidamente establecerase un espazo de diálogo e debate co ponente para, entre todas e todos, buscar solucións aos retos plantexados na parte anterior da exposición.
O sábado disporemos unha mesa redonda con entidades do terceiro sector para debatir a cerca da importancia da ética na acción socioeducativa moderada pola comisión ética do Ceesg que fará unha exposición da revisión do código deontolóxico que están a desenvolver.

Datas: 26 e 27 de maio do 2023. De 10:00h a 14:00h e de 16:00h a 20:00h o venres 26 e de 10:00h a 14:00h o sábado 27.
Duración das xornadas: 16 horas de formación certificada en dous bloques de venres todo o día e sábado pola mañá.
Modalidade: Presencial.
Lugar: As xornadas terán lugar na sede da EGAP en Santiago de Compostela
Rúa de Madrid, 2, 15707 Santiago de Compostela, A Coruña
Persoas destinatarias: Profesionais da Educación Social e estudantes de Educación Social.
Cota de matriculación: 10€
Ingreso na conta de Banco Sabadell ES41–0081-0499-6100-0104–6708
Data límite inscricións: 23 de maio.

VER INFORMACIÓN DETALLADA

FORMULARIO DE INSCRICIÓNS

Sobre Jesús Vilar
A traxectoria de Jesús Vilar no eido da Pedagoxía Social é amplo. Comeza a súa formación diplomándose en Maxisterio e realiza o doutoramento en Pedagoxía. A súa experiencia profesional comeza como mestre e, posteriormente, educador social con nenos en situación de risco social e mozos infractores. Dende o ano 1994 é profesor da Facultat d’Educació Social i Treball Social Pere Tarrés da Universitat Ramon Llull, onde ademais é director de publicacións. A ética aplicada á acción socioeducativa é unha das súas liñas de traballo dende hai anos, contando con innumerables publicacións sobre o tema que o converten nun referente neste eido.

Perfil de Jesús Vilar en Academia.edu

Cabreiros volverá a protagonizar, como cada ano, un encontro interxeracional que pon no centro a ruralidade, o desenvolvemento comunitario e a participación veciñal.

Esta XIX edición desenvolverase os días 20 e 27 de maio, e 3 de xuño.

Dende o Ceesg continuamos apoiando e participando activamente nesta actividade.

Máis información

Programa

Durante o mes de xuño levaremos a cabo un curso sobre acollemento familiar, que será impartido por Acougo.
Con esta formación abordaremos a prevención da retirada de menores ás súas familias, pero tamén afondaremos nos recursos que ofrece o acollemento familiar, as súas vantaxes respecto á institucionalización e como traballar de cara a suplir a institucionalización cos acollementos. Ademais, serviranos para crear e fortalecer redes entre os distintos axentes do sistema de protección á infancia.

• Datas: do 5 ao 30 de xuño.
• Duración: 30 h.
  
• Modalidade: En liña, a través da aula virtual do Ceesg.
  
• Contidos: 5 bloques, dedicando 6 horas a cada bloque.
  
• Avaliación: Realizarase unha proba final de cada un dos bloques realizados.
  
• Prezo: 55€.
• Dirixido a: Colexiadas/os ou amigas/os do Ceesg. Tamén poden participar colexiadas/os e figuras análogas á de ‘amigas/os’ de colexios profesionais de Educación Social doutros territorios.
• Data límite de inscricións: 29 de maio de 2023.
  

Ver información detallada do curso

Ir ao formulario de inscricións

Consulta aquí a normativa de formación do Ceesg

Presentamos unha nova proposta de traballo plantexada pola Federación de SOS Racismo e organizada polo Colexio de Educadoras e Educadores Sociais de Galicia (Ceesg). Ten como obxectivo contribuir á mellora da atención ás persoas migrantes, persoas racializadas e pertencentes a minorías a través da formación de profesionais do ámbito da intervención social, a administración pública, operadores xurídicos e academia.

O curso está dirixido a colexiadas/os do Ceesg, amigas/os do Ceesg ou educadoras/es sociais colexiadas/os noutros territorios. Desenvolverase en dúas sesións, estruturándose en dous módulos de 3 horas de duración, cunha avaliación final.

A metodoloxía formativa combina a formación presencial e o traballo a distancia, acadando unha duración lectiva total de 30 horas. Ademais dos certificados de asistencia, facilitarase material de consulta.

Estes son algúns dos contidos que veremos neste curso:

• Ferramentas para loitar contra o racismo, delitos de odio e discriminación racistas.
• Discurso do Odio racista Que é? Como recoñecelo?
• Cambiemos de marco. De narrativas opresoras a transformadoras.
• Nova Lei 15/2022, de 12 de xullo, integral para a igualdade de trato e a non discriminación Racismo; Xenofobia, discriminación e Odio: Como defender ás vítimas?

Datas: 1 e 8 de xuño.

Horario: 9:30 a 12:30 h.

Lugar: Casa das Asociacións de Cornes (Santiago de Compostela)

Inscrición: gratuíta, previa inscrición (ata o 25 de maio).

Prazas limitadas.

Enlace de inscrición.

No Día Internacional contra o acoso escolar, dende o Ceesg queremos sumarnos á chamada de atención sobre a necesidade de abordar e poñerlle fin a este problema.

O avance en canto á percepción social deste problema é evidente, xa que existe cada vez unha maior sensibilización. Mais é unha necesidade imperante que as autoridades educativas afronten a situación con estratexias que garantan que as escolas sexan un espazo de seguridade e confianza para todos os nenos, nenas e adolescentes.

Atender o factor social dende as escolas, incorporando un enfoque de educación integral , pode ser a chave para atallar este problema. A prevención, a detección e intervención inmediata, o apoio a vítimas e agresores, a resolución pacífica de conflitos, o fortalecemento de habilidades sociais e emocionais, a mellora da comunicación… son cuestións que deben ser reforzadas para a creación dun ambiente escolar inclusivo, respectuoso e seguro. O Ceesg propón como estratexia a incorporación de profesionais de educación social, como axente de atención á dimensión social da escola, e como figura de referencia e confianza para as crianzas.

Dende o Ceesg esiximos un compromiso forte por parte das autoridades educativas, e ofrecémonos no que estea na nosa man, para construír un futuro sen acoso escolar.

Colexio de Educadoras e Educadores Sociais de Galicia

Co gallo da próximo Día contra o acoso escolar (2 de maio), activamos unha petición en change.org a través da cal queremos solicitar á Consellería de Educación, unha vez máis. a incorporación da Educación Social no sistema educativo, como estratexia para a prevención e intervención destas situacións. Dende o Ceesg levamos xa anos reclamando esta necesidade, e atopámonos agora nun momento idóneo, no que cada vez existe maior concienciación social acerca do bullying e no que a Xunta de Galicia debe configurar a implantación da figura de coordinador/a de benestar e protección en todos os centros educativos.

Pregamos non só o apoio coa vosa sinatura, senón tamén que compartades para se coñeza a nosa demanda e que poidamos facernos oir acadando o maior número de apoios. Fagámolo chegar a canta máis xente poidamos. Grazas!

Asina aquí a petición

Os Bolechas xa non teñen dúbidas sobre o que é a Educación Social, e así nolo contan no seu libro-guía ‘A Educación Social’, unha ferramenta que visibiliza a profesión, que a explica, que fala da súa importancia e do seu impacto social nunha linguaxe que as nenas e nenos poden comprender.

Como novidade, acompañamos este libro cunha proposta de actividades que, partindo deste libro, nos achega ideas para traballar coas crianzas sobre o que é a Educación social e para comprender mellor e sensibilizar sobre os contextos nos que se desenvolve a nosa profesión.

Se tamén queres facer uso do libro para explicar cal é o teu papel profesional, e así facer da EducaciónSocial unha profesión máis recoñecible na sociedade, non perdas a oportunidade de facerte cun dos exemplares desta edición limitada dos Bolechas que podes reservar na páxina web do Ceesg.

A proposta de actividades enviarase en pdf ás persoas que merquen o libro ‘A educación social’ de Os Bolechas, e proximamente estará dispoñible na área privada da web do Ceesg (acceso exclusivo a colexiadas/os)

O pasado sábado 25 de marzo tivo lugar a Asemblea do Ceesg.

As propostas levadas á asemblea foron aprobadas (acta da asemblea anterior, memorias económica e de actividades, orzamento e plans de traballo, e propostas económicas) Toda a documentación segue estando dispoñible para consulta na web do Ceesg, e pronto se actualizará a información xeral coas propostas económicas aprobadas, é dicir, a conxelación de cotas de mantemento colexial para o ano 2023, o cobro de cota por emisión de certificados a persoas non colexiadas, e redución de cota de alta para persoas tituladas recentes.

Previa á asemblea, tivo lugar unha formación na que puidemos reflexionar sobre o papel das educadoras e educadores sociais no acompañamento socioeducativo, e tamén se presentou o libro ‘A Educación Social’ de Os Bolechas, así como unha guía didáctica para o uso deste, que nos achega ideas de traballo coas crianzas para que coñezan a profesión e os seus contextos.

Nas nosas redes sociais podedes ver algunhas fotografías da xornada.

Grazas a todas as persoas que asistiron e participaron na Asemblea.

O Grupo de Traballo de Saúde Miolo, do Colexio de Educadoras e Educadores Sociais de Galicia, está traballando na organización dunha Xornada que ten por finalidade favorecer a difusión e posta en valor de proxectos relacionados coa saúde mental nos que ten presenza a Educación Social, facilitando ademais un espazo para o encontro e o fortalecemento de redes profesionais e para a reflexión acerca das actuais necesidades socioeducativas neste eido.

Se queres presentar nesta xornada un proxecto ou iniciativa do que formas parte, convidámoste a enviarnos a información connosco para que poidamos valoralo. Procuraremos conformar un programa que abarque diferentes eidos e enfoques, para que sexa o máis enriquecedor posible. Para facilitar a tarefa, creamos un formulario no que formulamos unhas cuestións básicas:

Ir ao formulario

O A finais do mes de maio respostarase a todas as propostas presentadas, para confirmar se foron seleccionadas para formar parte do programa. Está previsto celebrar a xornada en Santiago de Compostela no mes de outubro (data por concretar) Cando estea máis avanzado, informaremos para que calquera persoa interesada poida asistir.

A Asemblea Xeral é o órgano supremo de toma de decisións do colexio, formado por todas as persoas colexiadas. Cada ano reúnese como mínimo unha vez para decidir sobre a actividade do colexio.

Este ano, a Asemblea Xeral Ordinaria terá lugar o 25 de marzo e celebrarase de xeito presencial en Santiago de Compostela.

Todas as persoas que estean colexiadas na data de convocatoria (10/03/23) están convocadas a participar. Tamén poden participar as Amigas e amigos do Ceesg (con voz e sen voto).

A documentación relacionada cos distintos puntos da orde do día irase colgando na web do Ceesg, sección Transparencia.

Enlace á documentación da Asemblea 2023.
(necesario iniciar sesión para ver a documentación)

• Data: sábado 25 de marzo de 2023.
• Lugar: Escola Galega de Administración Pública (Rúa Madrid, 2) Santiago de Compostela (ver localización)
• Inicio: 11:30 (primeira convocatoria), 12:00 (segunda convocatoria)
• Fin: 14:30 aproximadamente.

Para optimizar este encontro, na mesma data e lugar organizaremos unha acción formativa previa para a que será necesaria inscrición e incluirá a presentación do libro ‘A Educación Social’ de Os Bolechas. Proximamente informaremos dos detalles a través das canles habituais.

O Consejo General de Colegios de Educación Social e o Ceesg, xunto con colexios doutros territorios, iniciamos o reto de facer unha revisión e posible actualización do Código Deontolóxico da nosa profesión.

Se tes interese en ter máis información, ou enviarnos achegas e propostas, ponte en contacto connosco a través de etica@ceesg.gal.
De momento convidámoste a que dediques minuto e pico a disfutar do vídeo sobre o primeiro principio do noso Código Deontolóxico: “Principio de Respecto aos Dereitos Humanos”.
Proximamente iremos compartindo outros vídeos

Para ver o vídeo pincha aquí

Hoxe, Día Internacional da Muller, debemos lembrar que a Educación Social é unha profesión amplamente feminizada e infravalorada, como outras que consisten en coidar e acompañar a persoas en situación de vulnerabilidade e exclusión.
É necesario incidir nas dificultades laborais das Educadoras Sociais no exercicio da súa profesión e, unha vez máis, denunciar as malas condicións e a externalización dos servizos sociais básicos en detrimento dun servizo profesional público, gratuíto e universal.
A Educación Social debe ser FEMINISTA para seguir avanzando en igualdade, respecto, solidariedade e empoderamento.

Convidámoste a visibilizar a Educación Social feminista nas redes: #edusoESfeminismo.

Imaxe cedida por Freepik

Compartimos un cuestionario que forma parte dun proxecto de Tese Doutoral en curso que estuda a diversidade cultural como campo de profesionalización na educación social.
Coa recollida destes datos preténdese coñecer a percepción e interese sobre a diversidade cultural como ámbito profesional do/a educador/a social, a medida en que se presenta no exercicio da profesión e o grao de adquisición de competencias interculturais, así como as aprendizaxes sobre atención socioeducativa á diversidade cultural que se ten acadado na formación inicial e continua e as melloras formativas que se poderían introducir nesta liña. Animamos a todo o colectivo colexial a cubrir este cuestionario, que contribuirá ao enriquecemento dunha investigación que ten como marco a profesión e de Educación Social.

Ir ao cuestionario

Desde o Ceesg queremos contribuír á construción dunhas políticas públicas máis xustas e eficaces, que nos permitan acadar unha sociedade plenamente inclusiva e máis igualitaria.

Con este obxectivo, e tendo en conta que este ano se celebrarán eleccións municipais, achegamos aos principais partidos políticos que se presentan a ditas eleccións unha serie de propostas que consideramos necesarias no sector público e que poden impulsarse desde as corporacións locais. O exercicio da profesión Educación Social outórganos unha posición dende a que podemos coñecer de primeira man as vulnerabilidades das persoas e as eivas dos sistemas e recursos de atención, polo que consideramos que as propostas achegadas teñen un valor que debe ser tido en consideración.

Convidamos ás persoas colexiadas que teñades esa posibilidade a que compartades este documento cos partidos políticos das vosas localidades.

Os dereitos sexuais e reprodutivos son dereitos humanos fundamentais recollidos nos tratados internacionais da Conferencia de Poboación e Desenvolvemento en 1994 e a Conferencia Mundial sobre as Mulleres en 1995. Ademais, son acordos subscritos polo goberno español para o seu desenvolvemento e cumprimento. A todos os dereitos sonlles aplicables os seguintes principios:

• UNIVERSALIDADE. Todas as persoas, sen discriminación algunha, temos dereito a gozar deles.
• INALIENABILIDADE. Ninguén pode renunciar aos seus dereitos, pero para poder defendelos, é preciso que os coñezamos.
• INTERDEPENDENCIA. Aínda que cada un ten un percorrido propio, todos están estreitamente relacionados.

Contidos: marco dos dereitos sexuais e reprodutivos, a situación dos dereitos sexuais e reprodutivos no mundo e no Estado español, activismo no marco dos dereitos sexuais, metodoloxías clásicas de activismo e “artivismo”, desenvolvemento de un proxecto práctico de sensibilización sobre dereitos sexuais e reprodutivos.
Data: Luns 17 e 24 de abril de 10:30h a 14:30h.
Duración do curso: 8h presenciais + 14h de dedicación persoal e tarefas (certificado 20h)
Modalidade: Presencial na Casa Xohana Torres en Compostela (ver ubicación)
Destinatarios: Colexiadas e amigas/os do Ceesg.
Cota matrícula: Gratuíto.
Data límite inscricións: Xoves 13 de abril 2023.
Importante: A non asistencia/participación en formacións de carácter gratuíto (sen xustificar debidamente) será penalizada de xeito que na seguinte convocatoria do mesmo curso só se admitirá a inscrición no caso de que sobren prazas, figurando nos últimos postos da lista de agarda. Esta medida pretende facilitar o acceso ás colexiadas que teñan interese real na formación, optimizar a organización e evitar o desaproveitamento deste tipo de actividades formativas.

PRAZO DE INSCRICIÓN PECHADO