A Lei Orgánica 8/2021, do 4 de xuño, de protección integral á infancia e á adolescencia fronte á violencia (LOPIVI) expón no seu artigo 5, sobre a Formación, que as administracións públicas, no ámbito das súas respectivas competencias, promoverán e garantirán unha formación especializada, inicial e continua en materia de dereitos fundamentais da infancia e a adolescencia aos e ás profesionais que teñan un contacto habitual coas persoas menores de idade. Dita formación comprenderá como mínimo:

• A educación na prevención e detección precoz de toda forma de violencia á que se refire esta lei.
• As actuacións a levar a cabo unha vez que se detectaron indicios de violencia.
• A formación específica en seguridade e uso seguro e responsable de Internet, incluíndo cuestións relativas ao uso intensivo e xeración de trastornos condutuais.
• O bo trato aos nenos, nenas e adolescentes.
• A identificación dos factores de risco e dunha maior exposición e vulnerabilidade ante a violencia.
• Os mecanismos para evitar a vitimización secundaria.
• O impacto dos roles e estereotipos de xénero na violencia que sofren os nenos, nenas e adolescentes.

¿QUE É O MODELO BARNAHUS?

A Barnahus (Casa dos Nenos en islandés) é un modelo de atención integral onde todos os departamentos que interveñen nun caso de abuso sexual infantil se coordinan e traballan baixo o mesmo teito para atender ao neno ou nena vítima. Trátase dunha casa, lonxe de comisarías e hospitais, que conta cunha contorna amigable para as crianzas: decoración adaptada á súa idade e profesionais especializadas/os en vitimoloxía infantil.

Este modelo, que xa se aplica nos Estados Unidos e no norte de Europa, pon á/ao nena/o no centro para que non teña que desprazarse polos diferentes servizos implicados no caso, nin repetir tantas veces a súa historia. En lugar de ir a comisaría a prestar declaración, acode á Barnahus onde se lle fai directamente unha entrevista forense que é gravada e todos os actores involucrados no caso vena por circuíto pechado. A gravación da entrevista forense permite recoller o seu testemuño canto antes, o cal facilita a súa recuperación e evita que teña que ir ao xuízo oral. A súa efectividade está baseada na evidencia. Son múltiples os estudos empíricos que demostraron que este modelo axuda a reducir a vitimización secundaria e mellora o trato cara a crianza e a súa familia. Ademais, en Islandia, por exemplo, desde a súa implementación o número de casos nos que o agresor foi acusado triplicáronse.

Os contidos que se abordarán neste curso son os seguintes (consulta o programa máis abaixo para velos máis detallados):

• A LOPIVI como marco de referencia para a prevención, detección e protección;
• O desenvolvemento afectivo-sexual en nenos, nenas e adolescentes.
• Violencia na infancia e adolescencia.
• Pautas de actuación ante a sospeita de violencia sexual. Avanzando cara ao modelo Barnahus.