Neste vídeo podes ver algúns momentos vividos na anterior edición.
Dende o 2022, esta convivencia configurouse como un punto de encontro que sirve para dar visibilidade á profesión de Educación Social, cedéndolle ademais un gran protagonismo á contorna que nos acolle, coa posta en valor da cultura e etnografía propia do rural raiano ourensán.
Co ánimo de crear espazos colectivos que enriquezan, nos que compartir experiencias, saberes e lecer, o Ceesg asume o reto de organizar esta terceira edición, cun programa con formación específica para profesionais e estudantes, e cun completo abano de actividades lúdicas e culturais abertas a toda persoa que queira asistir. Exhibicións etnográficas, xogos tradicionais, festival de música, roteiros pola natureza… son algunhas das actividades que vos esperan.
Vive a experiencia #Xurés 2024!
A convivencia contará cun intenso programa de actividades que inclúen:
TODAS AS COTAS INCLÚEN:
Data límite de inscricións: 19 de setembro.
Aplicable a colexiadas/os do Ceesg ou CGCEES e a comunidade universitaria
A actividade está dirixida principalmente a profesionais e estudantes de Educación Social de calquera territorio, pero será benvida calquera persoa que queira participar.
As actividades do sábado á tarde son de entrada libre.
UBICACIÓN DAS DIFERENTES ACTIVIDADES
O punto neurálxico da Convivencia será Lobios, na provincia de Ourense.
Estas son outras ubicacións das actividades:
ALOXAMENTO
Existen dúas posibilidades para o aloxamento:
Gratuítamente no pavillón municipal de Lobios.
En hoteis, hostais ou albergues da zona.
Ofrecen desconto nesas datas para as persoas participantes.
TRASLADOS
DESPRAZAMENTO ATA LOBIOS DENDE LOCALIDADES DE ORIXE
Por colaboración das súas correspondentes facultades/escolas, está incluído o traslado para o estudantado de Educación Social de:
Será necesario indicalo no formulario de inscricións.
TRASLADOS NA ZONA
Están incluídos para toda/o participante que o solicite no momento da inscrición.
A participación no roteiro inclúe en todo caso o regreso a Lobios en autobús.
Entérate de todo: avances no programa, apertura de inscricións, avisos da organización durante a propia convivencia… Únete xa!
O parque natural Baixa Limia Serra do Xurés, situado ao sur da provincia de Ourense, é o maior dos seis parques naturais de Galicia. Cunha extensión de 30.000 hectáreas, foi declarado parque natural en 1993 e forma un continuo xeográfico co Parque Nacional de Peneda-Gerês de Portugal. Desde 2009 os concellos de ambos parques forman a Reserva da Biosfera transfronteiriza galego-portuguesa Gerês-Xurés.
Na paisaxe destacan os seus bosques e fervenzas, e ademais do valor natural, tamén atopamos nesta terra un gran valor histórico e etnográfico, con xacementos romanos, construcións populares como muíños, alvarizas, chivanas, hórreos… Outro aspecto a salientar é o seu patrimonio termal.
Como non pode ser doutro xeito, a convivencia organízase dende o respecto ao medio e procurando o mínimo impacto ambiental, para o coidado da espectacular riqueza destas terras.
Imaxes: @toxodoxures
