Normativa

Solicitude de inscrición

• Realizarase a solicitude de inscrición vía telemática a través do portelo único do Ceesg, salvo que se estableza un procedemento distinto. A inscrición non se considerará completa ata non achegar toda a documentación requirida, segundo o caso:
  • Pagamento da cota correspondente e envío do resgardo bancario (no caso de pagos por transferencia).
  • Acreditación da situación de desemprego, estudante ou outras que se requiran, no seu caso.
• Unha vez completada a inscrición, o Ceesg enviará a confirmación da mesma.
• Como norma xeral, as prazas concederanse por rigurosa orde de inscrición, sen prexuízo de que nalgunha acción concreta se estableza outro criterio.

Lista de agarda

• Cando se esgoten as prazas dispoñibles para cada acción formativa, o Ceesg poderá pechar a inscrición, podendo crear unha lista de agarda con aquelas solicitudes de inscrición que non obtivesen praza.
• En caso de anulación dalgunha inscrición, o Ceesg notificará a dispoñibilidade de prazas ás persoas que forman parte da lista de agarda.

Anulación de accións formativas

• As actividades formativas poderán ser anuladas se non se acada un número mínimo de inscricións, ou por outros motivos de tipo organizativo.
• O Ceesg informará de calquera cambio na programación das accións formativas.

Certificados de asistencia

• No caso de accións formativas das que se expida certificación de asistencia, as persoas colexiadas poderán acceder a dito certificado a través do portelo único (apartado «Carpeta colexial»). No caso de non colexiadas, enviaranse en pdf por email.

Devolución de cotas

• O importe da inscrición poderá devolverse nos seguintes casos:
  • Cando a persoa solicitante non fose admitida na actividade.
  • Cando a persoa inscrita anule a súa solicitude antes de finalizar o prazo de inscrición. Se non se establecese un prazo, deberá avisar dous días antes do inicio da actividade formativa. Fóra deste prazo, só se devolverá no caso de enfermidade infecto-contaxiosa, debendo xustificar dita circunstancia. A Xunta de Goberno resérvase o dereito de aplicar prazos diferentes en actos ou eventos con características particulares, feito que se informará debidamente.
  • Cando o Ceesg anule a actividade.
• A devolución realizarase mediante o mesmo medio polo que se fixo o pago, con posterioridade á celebración/anulación da actividade.

Comportamento das persoas participantes

• Durante o desenvolvemento das accións formativas, espérase das persoas participantes unha actitude de respecto, colaboración e bo trato cara ao resto das asistentes, persoal docente e de organización. O incumprimento deste principio poderá dar lugar á expulsión inmediata da actividade formativa, sen dereito á devolución do importe da inscrición nin a ningunha compensación económica.

Outubro 2025