Actas da 3ª Escola de Primavera do Ceesg: Educación Social e cidadanía. Intervención na escola e na comunidade

A ‘Escola de Primavera’ do Ceesg serviu como espazo para o traballo conxunto, o intercambio de experiencias e a reflexión sobre os ámbitos Educativo e Comunitario. Este libro de actas recolle os relatorios que serviron para o debate sobre o noso quefacer profesional na terceira edición da Escola, celebrada en maio de 2008, co título: ‘Educación Social e cidadanía. Intervención na escola e na comunidade’ e cos seguintes obxectivos:

• Reflexionar sobre o ámbito educativo e comunitario da educación social
• Dar a coñecer experiencias que se están a desenvolver dentro destes ámbitos
• Dar a coñecer a figura do/a educador/a social no ámbito educativo e repensar sobre a mesma figura no ámbito comunitario.