Actas: 2ª Escola de Primavera: Educación Social e Servizos Sociais

A ‘Escola de Primavera’ do Ceesg serviu como espazo para o traballo conxunto, o intercambio de experiencias e a reflexión sobre os ámbitos Educativo e Comunitario.

A segunda edición ‘Escola de Primavera’ do Ceesg concibiuse como un espazo de encontro dinámico e participativo, no que reflexionar, intercambiar experiencias e traballar conxuntamente no deseño de liñas de acción que potencien a presenza insubstituíble da Educación Social nos Servizos Sociais. As xornadas ofrecéronse, pois, como unha plataforma de debate e acción coa finalidade de reforzar a profesionalización da Educación Social no marco dos Servizos Sociais e potenciar a súa presenza nos procesos de deseño, debate e promoción das Políticas Sociais de Galicia, xunto con outros colectivos profesionais.
Este libro recolle os relatorios presentados nestas xornadas, que tiñan como obxectivos:

• Potenciar a perspectiva socioeducativa nos Servizos Sociais de Atención Primaria e Especializada.
• Dar a coñecer e difundir experiencias que as educadoras e educadores sociais están a desenvolver en distintos programas, recursos e servizos da nosa Comunidade Autónoma.
• Reforzar o recoñecemento político, social e profesional da Educación Social nestes ámbitos.