Loading...

FORMACIÓN CEESG

A atención integral a vítimas de violencia machista dende un enfoque socioeducativo. O papel do tempo de lecer

A violencia de xénero é un dos problemas máis graves e complexos da nosa sociedade actual. É un tipo de violencia estrutural e ideolóxica, que se vén exercendo durante décadas sobre as mulleres polo mero feito de selo, sen distinción de etnia, idade ou clase social e constitúe a expresión máis extrema da desigualdade entre homes e mulleres.

A sociedade no seu conxunto, tanto os poderes públicos coma cada persoa na súa contorna e no seu día a día, a que debe implicarse e seguir loitando para lograr a súa erradicación.

Esta formación vai dirixida principalmente a educadoras e educadores sociais que traballan en recursos de atención primaria básica, específica ou secundaria, e desenvolvan o seu labor acompañando a vítimas de violencia machista.

De forma xeral, profesionais do ámbito socioeducativo que traballan na administración pública, en entidades do terceiro sector ou asociacións.

Datos básicos do curso

Datas: Os martes 7, 14, e 21 de abril + 5 e 12 de maio (5 sesións de 3h cada unha).

Duración do curso: 15h (de 16:30h a 19:30h)

Modalidade: En liña.

Lugar: Plataforma Avezar (Moodle).

Cota de matriculación:

  • 45 € Colexiadas e precolexiadas (do Ceesg ou calquera outro Colexio Profesional adscrito ao CGCEES).
  • 65 € Persoas non colexiadas.

Inscricións: Na páxina web do Ceesg. ceesg.gal

Data límite inscricións: 26 de marzo do 2026.

Acceso ao formulario de inscrición
Obxectivos

OBXECTIVO XERAL

Formar a profesionais do ámbito socioeducativo e da intervención social na atención integral á vítimas de violencia machista.

OBXECTIVOS ESPECÍFICOS

  • Enfocar o proceso de recuperación persoal desde un enfoque bio-psico-social.
  • Comprender o proceso de recuperación persoal que transitan ás vítimas de violencia de machista.
  • Identificar o potencial terapéutico do lecer e o seu papel no acompañamento que realizan as educadoras e educadores sociais.
  • Coñecer boas prácticas na atención integral a vítimas de violencia de machista.
Contido
Contidos

BLOQUE 1: A ATENCIÓN INTEGRAL Á VÍTIMA DE VIOLENCIA MACHISTA DESDE UN ENFOQUE BIO-PSICO-SOCIAL

  • Marco lexislativo e dereitos das vítimas de violencia machista.
  • As casas de acollida como recursos de atención intengral.
  • acompañamento a vítimas de violencia machista.

BLOQUE 2: O PROXECTO DE RECUPERACIÓN PERSOAL (PRP)

  • As consecuencias da violencia machista na vida das mulleres.
  • A infancia como vítima directa da violencia machista. Acompañamento psicoeducativo.
  • Ámbitos de intervención para unha resposta integral e o papel das educadoras e educadores sociais.

BLOQUE 3: O LECER COMO RECURSOS TERAPÉUTICO

  • Aproximación ao lecer como fonte de benestar e calidade de vida.
  • Beneficios e oportunidades das experiencias lúdicas no proceso de recuperación das vítimas de violencia machista.
  • Dificultades para integrar o lecer no PRP.
  • Boas prácticas na atención integral desde o lecer.
Metodoloxía
Metodoloxía

O curso ten unha duración total de 15 horas lectivas, distribuídas en 5 sesións de 3 horas cada unha. Será en liña, a través da plataforma Moodle, empregando unha metodoloxía participativa e dinámica a través da creación de grupos de traballo e debates.

Docente

Tania Merela Iglesias

Doutora en Ciencias da Educación cunha tese centrada no papel terapéutico do tempo de lecer no proceso de recuperación da violencia machista. Licenciada en Pedagoxía e Diplomada en Educación Social. Experta en Xénero e Políticas Públicas de Igualdade. Posúe experiencia docente en formación profesional na familia de servizos á comunidade e é integrante do grupo Fiadeiras -especializado en igualdade de xénero- do Colexio de Educadoras e Educadores Sociais de Galicia.

Inscricións

Cota Colexiadas e precolexiadas Ceesg (ou CGCEES)

45

EUROS

Cota xeral, non colexiadas

65

EUROS

Acceso ao formulario de inscrición

Ata o 26 de marzo

Descargar a información do curso en PDF