A evidencia científica, en especial todas as achegas da neurobioloxía nestes últimos dez anos, son claves para entender a intervención con nenos, nenas e adolescentes desde un modelo máis comprensivo e acomodado ás súas necesidades. Grazas a estes avances podemos entender que sucede a nivel cerebral e estrutural co trauma, o abandono e a neglixencia e como podemos adaptarnos a esas circunstancias para poder reparalas e favorecer a resiliencia. En especial naqueles nenos, nenas e adolescentes que de maneira directa ou vicaria sufriron traumatización por parte dunha ecoloxía adversa que comprometeu o seu desenvolvemento madurativo.
Así pois, ao longo das cinco horas de formación introducirémonos nalgunhas das claves básicas da neurobioloxía do abandono e do trauma e sobre todo como establecer unha ponte para implementar unha presenza rehabilitadora e no día a día cos nenos, nenas e adolescentes. Así mesmo, traballaremos habilidades, estratexias e actitudes que posibiliten un acompañamento máis efectivo e respectuoso coa dor destes e destas.
Módulo I: Paradigma dos bos tratos
Módulo II: Modelo comprensivo do sufrimento infantil
Módulo III: Ferramentas para o acompañamento terapéutico
A proposta pretende abordar tanto o Saber (coñecementos), como o Ser (rol do/a profesional) como o Saber Facer (estratexias, habilidades e recursos técnicos) na súa metodoloxía como unha maneira consistente de abordar o cambio de mirada e de praxe nos diferentes contextos de protección (medio aberto, pechado, intervención familiar, xudicial,…)
Psicopedagogo, Educador social e docente
Adicou máis de dúas décadas ao traballo con nenos e nenas, adolescentes e familias en especial con aquelas en situación de desvantaxe socio-emocional a través do medio aberto, no ámbito residencial e agora mesmo nun Centro de Preservación Familiar.
Especialista en Parentalidade positiva e Resiliencia, aposta sempre pola renovación e a mellora social.
É o Escritor do libro “Profesionais portadores de Oxitocina: os bos tratos profesionais”.
Acompaña tanto a pais/nais como a profesionais na arte da crianza positiva e terapéutica a través de conferencias, cursos de formación, obradoiros.
EUROS