Xurés Son. Festival musical e cultural

Xurés Son. Festival musical e cultural

FORMACIÓN: Aplicacións da teoría do apego en contextos socioeducativos

FORMACIÓN: Aplicacións da teoría do apego en contextos socioeducativos

Convivencia interuniversitaria e profesional da Educación Social #XURÉS2022

Convivencia interuniversitaria e profesional da Educación Social #XURÉS2022

9º Concurso TFG.eduso de traballos de fin de grao

9º Concurso TFG.eduso de traballos de fin de grao

Novas do CEESG

ACTUALIDADE

Novas ofertas de emprego

Estas son as ofertas de emprego máis recentes publicadas na web do Ceesg:

  • T. de apoio a investigación
  • T. de proxectos cooperación internacional
  • T. especialista en igualdade
  • Téc. social
  • Persoal obradoiro dual de emprego
  • Persoal obradoiro dual de emprego
  • Téc. educcación e comunicación
  • Téc. de intervención familiar
  • Téc. de cooperación internacional
  • Educador/a social
  • Téc. de inserción laboral
  • Titor/a e orientador/a de oposicións
  • Operador/a centro de operacións
  • Persoal obradoiro de emprego
  • Titor/a obradoiro de emprego

Se estás á procura de emprego, recorda visitar regularmente a nosa web para estar ao tanto de todas as novidades.

Novas ofertas de emprego
Recursos presentados a varias prazas

Nas últimas semanas, o Ceesg presenou recurso de reposición ás prazas de Orientador/a-prospector/a laboral do Concello de A Laracha, Educador/a Familiar do Concello de Mazaricos, e Educador/a Familiar do Concello de San Sadurniño, así como a varios procesos de selección de persoal directivo de obradoiros de emprego (Melide, Arteixo, Oleiros, Curtis, Muros, Noia e Vimianzo)

Continuamos na divulgación das funcións que podemos levar a cabo dende a Educación Social e na reclamación do noso propio espazo profesional onde corresponda.

Recursos presentados a varias prazas
Asemblea Electoral do CGCEES

Os días 9 e 10 de setembro de 2022 celebrouse en Zarazoza a Asemblea Xeral Extraordinaria do CGCEES, sendo o tema central a celebración de eleccións á Xunta de Goberno.
A presidenta, Lourdes Menacho Vega, foi reelexida por unanimidade dos dezasete colexios profesionais e liderará un equipo no que estarán presentes nove colexios, entre eles o Ceesg, no cargo da Vicepresidencia. O plan de traballo para os vindeiros 4 anos será unha continuidade do mandato anterior, incidindo especialmente no traballo en equipo con todos os colexios e a súa participación nas Comisións do CGCEES.

Composición da nova Xunta de Goberno do CGCEES para el periodo 2022-2026:

  • COPESA Andalucía: Presidencia-Lourdes Menacho Vega
  • CEESG Galicia: Vicepresidencia-Noelia Rodríguez Álvarez
  • GHEE CEESPV País Vasco: Secretaría General-Aitor Ávila Ruiz
  • COEESCV Valencia: Tesorería-Vicent Faubel Aigües
  • CEESCAN Canarias: Vocalía-Jennifer Mª Herrera Rodríguez
  • CESCLM Castilla-La Mancha: Vocalía-Virginia Espinosa Gallego
  • CEESC Catalunya: Vocalía-Xavier Puig Santulària
  • CEESARAGÓN Aragón: Vocalía-Juan Manuel García Moreno
  • CPEESM Madrid: Vocalía-Pablo Sánchez Mirete
Asemblea Electoral do CGCEES
Convivencia de Educación Social. Inscrición anticipada

Este ano celebraremos o Día Internacional da Educación Social coa celebración dunha Convivencia de profesionais e estudantes de educación social, na que pode participar calquera persoa interesada, xa que contamos cun programa cheo de actividades diversas: formación, feira de entidades, actividades culturais, actuacións musicais, natureza… que será os días 1 e 2 de outubro en Lobios (Ourense)

Estamos agora na recta final para quen queira inscribirse coa tarifa reducida (ata o 15 de setembro, incluído)
Recordamos que hai diferentes opcións de inscricións, coa posibilidade de asistir un ou dous días, e que a cota de inscrición inclúe:

  • Participación no Seminario Internacional da Educación Social
  • Pernocta en pavillón (para quen o solicite)
  • Roteiro guiado (para quen o solicite, prazas limitadas)
  • Actividades do sábado á tarde (entrada libre)
  • Festival de música (entrada libre)
  • Segundo a opción escollida, inclúense diferentes comidas: xantar do sábado, magosto, e almorzo e xantar do domingo.

Animamos a todas as colexiadas e colexiados a unirvos a esta festa da Educación Social, recordando que na nosa web hai información sobre opcións de aloxamento alternativas, con prezos especiais para participantes na Convivencia.

Ver o programa definitivo

Ir ao formulario de inscricións

Ir á web da convivencia

Convivencia de Educación Social. Inscrición anticipada
Achegas á Lei de Igualdade de Galicia

A Secretaría Xeral de Igualdade, da Consellería de Emprego e Igualdade, abriu o mes pasado o trámite de consulta pública previa sobre o borrador da Lei para a Igualdade efectiva de mulleres e homes de Galicia.
O Ceesg realizou as súas achegas ao mesmo, coa colaboración do grupo de traballo Fiadeiras.

Información sobre a norma.

Achegas á Lei de Igualdade de Galicia
Novas ofertas de emprego

Estas son as ofertas de emprego máis recentes publicadas na web do Ceesg:

  • Axente de igualdade
  • T. de igualdade
  • Axente de igualdade
  • Animador/a sociocultural e deportivo
  • Axente TIC
  • Educador/a familiar
  • Educador/a social
  • T. de cultura
  • T. de intervención comunitaria
  • T. de intervención comunitaria
  • T. teleasistencia
  • Monitor/a escolar
  • Educador/a talleres socioeducativos
  • Equipo directivo obradoiro dual de emprego
  • Téc. social
  • Monitor/a sociocultural
  • T. de integración sociolaboral
  • Educador/a social
  • Orientador/a laboral
  • Orientador/a laboral
  • Téc. social
  • Coordinador/a técnica/o

Se estás á procura de emprego, recorda visitar regularmente a nosa web para estar ao tanto de todas as novidades.

Novas ofertas de emprego
Formación: Mediación: Ruptura de parella. Atención aos fillos e fillas nesa situación.

O vindeiro 22 de setembro terá lugar un obradoiro en liña sobre mediación familiar, centrado na atención ás fillas e fillos na ruptura de parella.

Esta formación estará impartida por UNAF (Unión de Asociacións Familiares) e terá unha duración de 2 horas.

Poden inscribirse colexiadas/os do Ceesg e alumnas/os de Educación Social amigas/os do Ceesg ata o día 19 de setembro.

Ver información detallada do curso

FORMULARIO DE INSCRICIÓNS

Formación: Mediación: Ruptura de parella. Atención aos fillos e fillas nesa situación.
Próximo número da revista RES

O número 35 da revista RES centrará a súa atención no VIII Congreso de Educación Social, 2022. Registro, memoria y palabra.

Recordamos que tamén se poden enviar propostas para a sección de miscelánea, na que se recollen outros temas interesantes aínda que fóra do tema central do número, así como ás seccións de actualidade e reseñas.

Quen teña propostas para enviar a estas seccións, pode presentalas antes do 15 de setembro de 2022.

Ver presentación do vindeiro número (nesta páxina tamén podedes atopar enlaces con orientacións sobre as colaboracións, autorización de artigos e criterios de publicación)

Próximo número da revista RES
Aviso sobre horario de atención

Recordamos que a sede do Ceesg estará pechada por vacacións do 8 ao 19 de agosto.

As cuestións recibidas por email resolveranse o antes posible, a partir do 19 de agosto, data na que se retomará a atención telefónica e presencial no horario habitual: de luns a venres de 8:00 a 15:00 h.


Aviso sobre horario de atención
VIII Congreso Estatal de Educación Social dispoñible en vídeo

O VIII Congreso Estatal de Educación Social estaba previsto que se celebrase en Zaragoza en 2020 en formato presencial, como veu sendo habitual en congresos anteriores. A situación de pandemia obrigou ao seu aprazamento.

Tras estudar diversas opcións optouse por un formato e experiencia innovadora consistente nun concepto novo de congreso descentralizado, itinerante, interterritorial, que iría percorrendo diversos territorios, lugares e datas e que podería seguirse tanto en formato presencial como en liña, xa que se irá transmitindo en streaming.

Realizouse en nove xornadas en diversos territorios contando co Colexio Profesional da zona:

Resumo 1ª Xornada: Madrid.
Resumo 2ª Xornada: Cuenca.
Resumo 3ª Xornada: Canarias.
Resumo 4ª Xornada: Bilbao.
Resumo 5ª Xornada: Madrid.
Resumo 6ª Xornada: Valencia.
Resumo 7ª Xornada: Murcia.
Resumo 8ª Xornada: San Pelayo.
Resumo 9ª Xornada: Sevilla.

Finalizado o Congreso, os vídeos das conferencias e relatorios están dispoñibles para quen non tivese oportunidade de participar en directo, ou para quen queira revivilo de novo.

Enlace aos vídeos do VIII Congreso Estatal de Educación Social.

O VIII Congreso Estatal de Educación Social foi organizado polo Consejo General de Colegios de Educadoras y Educadores Sociales (CGCEES), co apoio do Ministerio de Dereitos Sociais e Axenda 2030 e en colaboración co Colexio Profesional de cada comunidade autónoma.

VIII Congreso Estatal de Educación Social dispoñible en vídeo
Presentado recurso contra bases de orientador/a laboral do concello de A Laracha

O Ceesg presentou recurso de reposición contra as bases anunciadas polo Concello da Laracha para a Convocatoria de proceso selectivo para a provisión de unha praza de orientador/a-prospector/a laboral para o programa integrado de emprego e formación dunha bolsa de emprego, publicadas no BOP da Coruña do 20 de xullo de 2022.

O motivo do recurso é solicitar a inclusión da titulación de Educación Social como un dos requisitos académicos válidos para participar no proceso.

Presentado recurso contra bases de orientador/a laboral do concello de A Laracha
Preséntase a Convivencia Interuniversitaria e Profesional da Educación Social

O pasado 22 de xullo presentouse en Ourense a Convivencia Iteruniversitaria e Profesional da Educación Social.

No acto participou Elena Rivo, Vicerreitora do Campus de Ourense, que destacou a complexidade de organizar actividades deste tipo e subliñou o interese de implicar nas actividades universitarias outros territorios, neste caso Asturias e norte de Portugal, e sobre todo zonas rurais.

Xosé Manuel Cid, Decano da Facultade de Educación e Traballo Social da Universidade de Vigo, subliñou a vocación deste centro de ‘trasladar a universidade ao exterior e recibir o que nos poida vir do exterior’. Sinalou ademais, que a universidade ‘non é só aprender catro materias senón tamén participar da cultura e da contorna’.

Deibe Fernández-Simo, vogal do Ceesg e coordinador do evento explicou en detalle unha convivencia que quere ‘pór en valor todo o que ten que ver coa Educación Social’. A iniciativa, dixo, ‘trata de rachar as barreiras que temos habitualmente entre as universidades’ facilitando espazos de encontro entre alumnado e profesionais.

A convivencia, que se celebra coincidindo co Día Internacional da Educación Social, contará cun intenso programa que inclúe un seminario de formación, actividades lúdicas e culturais, que procurarán propiciar o intercambio e a creación de redes.

A información detallada e fomulario de inscricións está na web do Ceesg

Preséntase a Convivencia Interuniversitaria e Profesional da Educación Social
Publicacións do IV Congreso Internacional de Acción Socioeducativa

O comité de organización e científico do IV Congreso Internacional de Acción Socioeducativa (CIASE), vén de publicar coa editorial Pirámide e en versión dixital o libro, ‘Xustiza social, xénero e intervención socioeducativa’, en dous volumes, froito dun inxente e rigoroso traballo en equipo, do que formou parte a presidenta do CGCEES.

Volume I. Medio penal e contextos delituosos (ISBN dixital: 978-84-368-4450-4). DESCARGAR

  • Parte I: Fundamentos socioeducativos, xénero e actualidade penal.
  • Parte II: Menores en conflito e mozos no medio penal.
  • Parte III: Intervención socioeducativa penal.
  • Parte IV: Educación en prisión.
  • Parte V: Reinserción e acompañamento penal.

Volume II: Actualidade e intervención socioeducativa en distintos contextos. (ISBN dixital: 978-84-368-4629-4). DESCARGAR

  • Parte I: Convivencia, xustiza e dereitos humanos.
  • Parte II: Menores e mozos vulnerables.
  • Parte III: Educación e sociedade.
  • Parte IV: Familia, xénero e prevención da violencia.
  • Parte V: Diversidade, inclusión e intervención educativa.

Neste Congreso participou o Consello Xeral de Colexios de Educadoras e Educadores Sociais (CGCEES) e o Colexio Profesional de Educadoras e Educadores Sociais de Andalucía (CoPESA).

Publicacións do IV Congreso Internacional de Acción Socioeducativa
I Seminario Científico Internacional en Pedagoxía Social

Os días 15 e 16 de setembro de 2022 desenvolverase, en formato en liña, o I Seminario Científico Internacional en Pedagoxía Social, co tema: “Retos e contribucións dos grupos e redes de investigación e acción profesional”

Esta actividade está organizada pola Sociedade Iberoamericana de Pedagoxía Social (SIPS), o Departamento de Educación e Psicoloxía Social (Universidade Pablo de Olavide) e o Grupo de Investigación en Acción Socioeducativa (GIAS)
O Seminario ten como principais persoas destinatarias aquelas persoas con interese en coñecer a estrutura organizativa e as liñas de actuación promovidas polos Grupos de Investigación e as Redes de Grupos de Investigación e da Acción Profesional, vinculadas á Pedagoxía Social e Educación Social desde distintas perspectivas.

As persoas interesadas en asistir en liña a este seminario deberán realizar a súa inscrición gratuíta ata o 14 de setembro, como data límite, a través do formulario de inscricións, facendo constar todos os datos solicitados.

Os temas principais son:

  • A ciencia que transforma. Claves desde a Pedagoxía Social e a Educación Social.
  • Avances científicos en Pedagoxía Social-Educación Social: achegas desde a investigación e a acción. (Contará coa participación de Lourdes Menacho Vega. Presidenta Consello Xeral de Colexios de Educadoras e Educadores Sociais -CGCEES-).
  • Redes de grupos de investigación e de acción profesional: co-construción da ciencia desde a Pedagoxía Social e a Educación Social. (Contará coa participación de Carlos Sánchez-Valverde Visús. Coordinador Revista RES, membro -CEESC-)
  • Visibilidade e transferencia do coñecemento social en Pedagoxía Social- Educación Social. (Contará coa participación de Alberto Fernández de Sanmamed Santos. Membro do Colexio de Educadoras e Educadores Sociais de Galicia -CEESG-)

Podes ver toda a información e o programa detallado na Web do Seminario.

Ir á web do Seminario.

I Seminario Científico Internacional en Pedagoxía Social
Reclamación sobre a contratación de persoal educativo no centro Concepción Arenal

O pasado 23 de xuño publicouse no DOG a resolución da Consellería de Política Social e Xuventude convocando o procedemento de selección de entidade privada sen ánimo de lucro para a atención residencial e a intervención educativa integral con persoas menores que teñen que cumprir medidas xudiciais privativas de liberdade no centro de reeducación Concepción Arenal.

En dita resolución, indícase a respecto dos requisitos do persoal educador o seguinte: “Todo o persoal educador adscrito á execución destas medidas deberá estar en posesión dunha diplomatura ou titulación universitaria de grao en Educación Social, ou en materias propias ou relacionadas coa intervención educativa ou social, ou contar coa acreditación correspondente para o desempeño desta función”.

Dende o Ceesg enviamos unha solicitude á Consellería solicitando a modificación da resolución para que se respecte o establedico no IV Convenio colectivo estatal de reforma xuvenil e protección de menores, convenio marco do sector, que establece que ‘Educador/a’ é unha categoría a extinguir, e calquera nova contratación deste tipo de persoal debe facerse na categoría ‘Educador/a social’. Ademais, recordamos que Educación Social é unha profesión titulada, e polo tanto para o seu exercicio debe contarse coa titulación universitaria de Educación Social ou habilitación profesional recoñecida por colexio profesional oficial.

Trátase non só de evitar o exercicio fraudulento da profesión, senón tamén, e sobre todo, de velar por unha atención adecuada e profesionalizada ás persoas destinatarias da acción socioeducativa.

Reclamación sobre a contratación de persoal educativo no centro Concepción Arenal
Novo número da revista RES. A Educación Social acompañando as infancias

Está dispoñible o novo número da Revista RES, Revista de Educación Social: Número 34. Monográfico: La Educación Social acompañando a las infancias

Enlace ao número

Enlace á edición en pdf

A Educación Social, nas súas diferentes configuracións (educación especializada, de adultos, animación comunitaria, sociocultural, popular…) e nas diferentes nomenclaturas históricas que asumiron os seus profesionais (vixiantes, coidadores e coidadoras, veladores e veladoras, celadores e celadoras, monitores e monitoras, educadores e educadoras, animadores e animadoras…), estivo sempre ligada ao acompañamento do momento biográfico e social que engloba a infancia. E aínda hoxe en día, un elevado número de educadoras e educadores sociais desempeñan o seu encargo profesional coa infancia. Inicialmente, en termos históricos, esta dedicación empezou en espazos institucionais dificilmente identificables como de recoñecemento e respecto (protección e corrección da infancia, sobre todo durante o franquismo no noso país), ampliando despois perfís de acompañamento socioeducativo desde o traballo comunitario, o tempo libre, a saúde, a cooperación internacional, os colectivos de persoas recentemente chegadas, a diversidade funcional, a colaboración coa escola (centros abertos) e ata, ultimamente, dentro da escola mesma, etc. cubrindo un corolario de infancias cada vez máis amplo.
O momento actual expón toda unha serie de retos derivados do cambio de época que nos está tocando vivir, coas dificultades de adaptación a unha realidade na que a transmisión é cada vez menos interxeracional (cuestionando así o lugar da educación) e máis entre iguais. O lugar da infancia, neste panorama, é central. As novas tecnoloxías, e sobre todo a comunicación instantánea que internet e a redes sociais posibilitan, están relacionadas con iso. E cunha difuminación das certezas que perden valor e substitúense pola emoción e a percepción individual, nunha carreira na que a “non verdade” e as “fakes” (a mentira) dominan un escenario onde a liberdade deveu un acto puramente individual, sen referentes nin contrapesos éticos nin sociais.
Os retos da nosa acción coas infancias, como educadoras e educadores sociais, pasan agora polo desenvolvemento de modelos e sistemas que contemplen esta etapa como unha máis da cidadanía e que estean baseados integralmente en dereitos e non en posicións tutelarizadoras ou paternalistas dos adultos.

Novo número da revista RES. A Educación Social acompañando as infancias
Nota aclaratoria sobre a recomendación enviada aos concellos

O Ceesg vén de levar a cabo unha campaña para dar a coñecer a importancia da presenza da Educación Social nos concellos galegos. Para iso, enviamos a todos os concellos unha recomendación na que suxerimos eliminar a denominación de ‘Educador/a familiar’, tan estendida no eido local, para normalizar a denominación ‘Educador/a social’, tendo en conta ademais que a normativa vixente xa contempla esta nomenclatura.

Cada praza de nova creación (e mesmo as xa existentes cando é posible negociar a RPT neste sentido) que se cree coa denominación de ‘Educador/a social’, será un paso máis cara un horizonte no que a Educación Social teña o seu lugar nos servizos sociais comunitarios, e no que a composición e o papel de cada profesional no equipo estarán máis claros.

Cómpre aclarar que o Concello de Lousame interpretou este escrito como alegacións á súa Relación de Postos de Traballo, xa que estaba en prazo de información pública, procedendo a desestimalas.

Dende o Colexio de Educadoras e Educadores Socias queremos deixar claro que en ningún momento se presentaron alegacións nin se intentou impugnar a Relación de Postos de Traballo do Concello de Lousame nin de ningún outro, senón que se enviou un comunicado coa única intención de pór en coñecemento dos entes locais a importancia da figura das/os Educadoras/es Sociais e como unha medida máis de loita e defensa da profesión.

Nota aclaratoria sobre a recomendación enviada aos concellos
Novo curso sobre o ISE ofrecido pola Fegamp

Dado o éxito da edición anterior, a Fegamp organiza un ano máis, dentro do seu Plan de formación contínua 2022, o curso ‘O informe socioeducativo (ISE) como ferramenta de intervención dos educadores/as sociais (modalidade en liña)’.

Esta formación terá lugar do 13 de xuño ao 13 de xullo e será impartida polo Ceesg e está dirixida ao persoal educador social dos concellos de as deputacións provinciais.

Detalles da formación

Novo curso sobre o ISE ofrecido pola Fegamp
Estudo situación e satisfacción laboral dos educadores e educadoras sociais en España

Desde a Universidade de Burgos, un grupo de profesores do Grupo EDINTEC está a realizar unha investigación acerca da situación e satisfacción laboral das educadoras e educadores sociais no Estado Español, e solicitan ao Ceesg a nosa participación.
Como ferramenta de recollida de datos elaborouse un cuestionario en liña, que rogamos cumprimentes.

CUESTIONARIO

É importante contar coa vosa participación para obter unha representación importante de educadores/as sociais dos diferentes territorios e que nos permitan avanzar na profesión e coñecer como é a satisfacción profesional dentro do colectivo.
Os resultados xerais difundiranse a través de publicacións de maneira que calquera colexio profesional ou persoa interesada poida ter acceso aos mesmos e sexan útiles para os intereses do colectivo.
Moitas grazas pola túa colaboración!

Estudo situación e satisfacción laboral dos educadores e educadoras sociais en España
Presentación do libro ‘Cómplices. A violencia machista institucional’

Da man Grupo de traballo do Ceesg Fiadeiras, Iria Vázquez Silva e Sheila Fernández Míguez estarán connosco proximamente para presentarnos o libro Cómplices. A violencia machista institucional.
Elas son a coordinadora e unha das coautoras desta publicación, que bota luz sobre un aspecto da(s) violencia(s) pouco visible: a violencia que exerce o Estado a través das súas institucións sobre as mulleres que están en situación de violencia machista.
En Cómplices, a autora explora varios eidos institucionais e convida a outras autoras. Sheila Fernández Míguez (desde o eido xurídico), Olalla Villaronga Seoane (desde o eido rural), Lola Ferreiro Díaz (desde o ámbito sanitario) e Ana Martínez González e Fedra Alcaraz Ladrero (desde o ámbito da diversidade funcional) a completar o panorama dunhas institucións que deberían acoller e defender as mulleres violentadas polo machismo.

Data: 22 de xuño ás 19:00 h.

Lugar: Sede do Ceesg. Santiago de Comostela (ver localización)

Entrada libre.

Presentación do libro ‘Cómplices. A violencia machista institucional’

Por que colexiarse?

Colexiarse significa participar do esforzo colectivo na loita pola dignificación, recoñecemento e regulación da Educación Social.

logo representativo